SeitePage 149

Oettersdorf.

's is a Sâmô naus gange z' san sen Sôme un wie'r g'sat hott, is wos d'rvun off'n Wag gfall'n un wur z'trat'n un de Büg'l unn'rn Himm'l senn kume un ham's aufgfrassn. Annersch is off'n Fels gfall'n un wie's aufgung, is vrdurrt, weils kenn-Saft g'hatt hot. Un Annersch is mitt'n unn'r de Därrner g'fall'n un de Därrner gunge a mied auf un ham's 'rschtickt. Un Annersch is off's gaute Land g'fall'n un is aufgange un hot hunnertfäll'g g'trôg'n. War Ur'n hot z' hörn, dar här. Riedel.

Mielesdorf.

Weil nu veïl Bulk bei 'nann'r wor un os 'n Stadt'n zu 'ne gloff'n kome, soggt er zu 'ne des Gleichnis: 's gung a Sâmô 'naus z' sa'n sen Sôme. Un weil er sat, ful a wing an'n Wâg un wur v'rtrat'n un de Bîg'l unn'rn Himmel fross'n's auf. Un a wing ful of de Schtâ un weil's aufgung, v'rdurrt's. Worüm? De Trück'n wor z' gruß. Un a wing ful 'nei zwisch'n de Durn un de Durn gung'n mit auf un 'rschtickt'n's. Un a wing ful of a gauds Land un trug hunnertfallige Frucht. Do er dos g'soggt, soggt er: Wer Ur'n hot z' hir'n, der hîr. Meyer.

Tanna.

• G. Heïn'r, gih râu, m'r miß'n ost fort z'm Mää.
• H. Wärt nerr nuch e wing, Gustâv, eïch kô mei Koll'r nit finna.
• G. Sell ich epp'r met'r Lotarr naufkumma?
• H. Nâa, blei nerr, schank m'r d'rweila ä Schälla Kaffee ei, 'r is m'r su z' häß. D'r Râum schtiht of'n Schrank, obb'r inna dinna.
• G. Moch nerr, deß t' runn'r kimmest.
• H. Iza kummich; eïch breng d'r â dei Wetzkumpf meït, obb'r d'r Wetzschtâ is nit dinna. Wu host'n heïg'leckt?
• G. Cha, dês wennich wißt. Holt, iza fellt m'rsch weid'r ei, 'r leit dunt'n bei d'r Sans'. Säug d'r Carlina, deß se uns imma seïme Kaffee un Rehrntetscher of de Wääß' brengt.
• H. D'r deïtsch'n*) is ju alla. Dâu welln m'r uns nere Brud un Holb'rich**) meïtnämma; eïch moch m'r su nex os'n Kaffeelatsch.
• G. 's is m'r â racht. Of ze Mittig láuss'n m'r uns Erdapfelbrei koch'n. Mir han ju auch Präßläb'r von Frank'n-Edeward***).
• H. Ä Klüs un ä Fätz'n Fläsch wär m'r leïb'r.
• G. Worim nit gor Jusch un Krautssollat. Dês wär nit eüb'l, wemm'r all'weil wos nâuch'n Schnâub'l hett. Wâßte, Heïn'r, Fläsch un Râß, dês is ä gáuts Ess'n. Läb'rwarscht eß ich obb'r â f'r mei Läm gern. Deï neilich hâu ich welle os'n Kestel ráusg'kost, deï wor dellecat. Iza sáug dr Carlina, wos su moch'n sell. Wenn su ausgîht, ko su bei's Kâfmanns Carls ä Ächt'le Ihl of zu Nachts hul'n un von Heinrick'ns Lang's ä Läb Brud meïtbrenga.
• H. Hâu ersch gesockt, su hot obb'r gor nex dâuf g'sockt, su hot nerr g'wippt.†)
• G. Wos mocht se enn?
• H. Su hotscht††) 's Klâna.